Ağıllı ev sistemləri
Ağıllı ev sistemləri yaşayış sahənizdəki müxtəlif elektrik cihazlarını tək mərkəzdən idarə etməyə və bir sıra prosesləri avtomatlaşdırmağa imkan verən smart texnoloji sistemlərdir. Bu növ ağıllı sistemlər sensorların və smart idarəedicilərin köməyi ilə mənzilinizdə və ya bağ evinizdə müxtəlif proseslərin avtomatlaşdırılmasını təmin edir.
İstilik, soyutma, işıqlandırma, suvarma və ya istəyinizə uyğun müxtəlif növ fərdiləşdirilmiş modern ağıllı ev sistemləri layihəsi gündəlik həyatınızda sizə əvəzolunmaz komfort vəd edir. Bu növ smart texnoloji sistemlərə siz smartfon və ya planşetləriniz vasitəsilə nəzarət edə, onları idarə edə bilərsiniz.
Ağıllı ev sistemləri həyatımızı necə rahatlaşdıra bilər
Ağıllı ev sistemlərindən istifadə ölkəmizdə son bir neçə il ərzində geniş yayılmağa başlamışdır. Ancaq qeyd etməliyik ki, ölkəmizdə trend olan ağıllı ev sistemləri artıq rəqəmsallaşan dünyamızda "ənənəvi" hesab olunur. Belə ki, modern texnologiyalar bizlərə daha inkişaf etmiş ağıllı ev sistemləri yaratmağa imkan verir. Daha aydın desək, modern texnologiyalar bizə imkan verir ki, biz nəinki, bəsit məişət avadanlıqlarının idarəolunmasını həyata keçirək, həm də arzularımıza və ehtiyaclarımıza uyğun ən spesifik prosesləri tam avtomatlaşdıraq.
Ehtiyaclarınıza və istəklərinizə uyğunlaşdırılmış ağıllı ev sistemləri layihəsi
Ağıllı ev sistemləri modern texnologiyaların imkanlarından istifadə etməklə həyatınıza komfort qata bilər. Bəs ağıllı evlər həyatımızı necə rahatlaşdırmaq imkanına sahibdir? Yuxarıda da qeyd etdiyimiz kimi smart texnoloji sistemlərdən yararlanmaq ən müxtəlif texnoloji prosesləri uzaqdan və ya mənzil daxilində idarə edə, bu proseslərə nəzarət edə bilərik. Məsələn, mənzilin işıqlandırılmasının hava şəraitinə uyğun tənzimlənməsi, onun daxili temperaturunun hava şəraitinə uyğun avtomatik tənzimlənməsi, giriş qapısının uzaq məsafədən açılıb-bağlanması, və s. Bu növ smart sistemlər vasitəsilə siz həmçinin yanğın, qazsızması barəsində vaxtında xəbərdar ola və bu kimi təhlükəli hadisələrin qarşısını vaxtında ala bilərsiniz.
Qeyd edək ki, smart ev sistemlərinin imkanları sadəcə qeyd etdiyimiz növ proseslərin avtomatlaşdırılması ilə məhdudlaşmır. Biz INNOVARCH olaraq sizlərə modern texnologiyaların imkanlarından yararlanmaqla ən müasir standardlara cavab verən ağıllı ev layihələri təqdim edirik. Bu növ ağıllı ev layihəsi tərəfimizdən məhz sizin ehtiyaclarınız, həyat tərziniz və istəkləriniz nəzərə alınmaqla layihələndirilir və realizə edilir.
Ağıllı ev sistemlərinin quraşdırılması ilə diqqət yetirilməli nüanslar
Sizə modern texnoloji imkanlar çərçivəsində əvəzolunmaz rahatlıq vəd edən ağıllı ev sistemlərinin quraşdırılması prosesindən öncə bir sıra nüanslara xüsusi diqqət yetirməyinizi tövsiyə edirik. Belə ki, yaşayış sahənizin ağıllı ev layihəsi barədə qərar verən zaman, ağıllı sistemlərin imkanları ilə yaxından tanış olmalı və büdcə planlaşdırılmasını düzgün həyata keçirməlisiniz. Bununla yanaşı, siz sözügedən sistemlərin montaj olunması üçün texniki imkanları müəyyənləşdirməli, həmçinin gələcəyə yönümlü qarantiya və texniki dəstək kimi nüansları mütləq şəkildə nəzərə almalısınız.
Ağıllı ev sistemlərinin planlaşdırılması
Bizdən soruşsanız ki, ağıllı ev sistemləri quraşdırılması ilə bağlı ən vacib nüans hansıdır? Biz əminliklə vurğulayarıq ki, ağıllı ev sistemlərinin planlaşdırılması. Yuxarıda da qeyd etdiyimiz kimi, modern dövrün texnoloji imkanları bizə ağıllı ev sistemlərindən məhz öz həyat tərzimizə, spesifik ehtiyaclarımıza uyğun şəkildə yararlanmağa imkan verir. Ancaq təbii ki, bir çoxumuz ağıllı ev sistemlərinin bizə təqdim edə biləcəyi imkanlardan, həyatımızı ehtiyaclarımıza uyğun necə rahatlaşdıracağından məlumatsızıq. Bu baxımdan sizə mənzilinizin, bağ evinizin əsaslı təmirinə və ya tikintisinə başlamazdan öncə ağıllı ev sistemlərini ehtiyaclarınıza uyğun planlaşdırmağı tövsiyə edirik. Bununla bağlı INNOVARCH şirkəti sizə ağıllı ev sistemi layihələrinin hazırlanması və həmin sistemlərin quraşdırılması ilə bağlı xidmətlər təqdim edir.
AĞILLI Ev sistemlərinin quraşdırılması üzrə ınnovarch xidmətləri
Biz INNOVARCH Memarlıq və Dizayn Şirkəti olaraq yeddi ildən artıqdır ki, müştərilərimizə yaşayış sahələrinin interyer & eksteryer dizaynı, layihələndirməsi, tikintisi və təmiri ilə bağlı xidmətlərimizi təqdim edirik. Həmçinin, INNOVARCH Şirkəti olaraq biz artıq bir neçə ildir ki, müştərilərimizə ağıllı ev sistemləri ilə bağlı da peşəkar xidmətlər göstəririk. Sizə spesifik istək və ehtiyaclarınıza uyğunlaşdırılmış ağıllı ev sistemlərinin layihələndirilməsi və quraşdırılması ilə bağlı xidmətlərimizi təqdim etməkdən məmnun olarıq.